Eyjólfsstaðir

Árið 2003 var hugtakið VISBO fundið upp og unglingaviku á Eyjólfsstöðum hrint af stað af Ólafi Schram. ViSBo samanstendur af orðunum: Vinna, Skemmtun og Boðun. Hugmyndin var að bjóða ungu fólki upp á nokkra skemmtilega daga á Eyjólfsstöðum, með uppbyggingu í orði Guðs, lofgjörð og nánu samfélagi, þar sem hvatningin væri til að stíga út og boða fagnaðarerindið í nágrenni staðarins og til annarra ungmenna á svæðinu.

Kynningarmyndband

Á Visbo er ýmislegt brallað á Eyjólfsstöðum, og nágrenni eins og þetta myndband ber gott vitni. Myndbandið var sett saman eftir mótið 2010 sem var á ábyrgð Kent Langworth unglingaleiðtoga Íslensku Kristskirkjunnar og eiginkonu hans Eddu, en að skipulagningu og umsjá með mótinu bar "staffið" hita og þunga af allri framkvæmd.

Undanfarin ár hefur Visbo verið haldið um og í kringum verslunarmannahelgina, eða síðar í ágústmánuði, tímanlega fyrir upphaf skólanna. Dagskrá hvers móts er ávallt vel auglýst á vef kirkjunnar og vef unglingastarfsins UNIK á www.kristskirkjan.is/unik