Þjóðsögur af svæðinu

Valtýr á Grænni teyju

Valtýr var bóndi sem bjó á Eyjólfsstöðum. Vegna stöðu hans sem óðalsbónda, var til siðs að hann klæddist grænni treyju.
Til er þjóðsaga sem segir frá þessum Valtý, og hvernig hvann var saklaus veginn vegna hrottalegs morðs sem framið var í nágrenni Eyjólfsstaða, þar sem þekktir staðir úr nágrenninu koma við sögu eins og Hjálpleysa og Gálgaklettur á Egilsstöðum þar sem Valtýr var hengdur.

Saga þessi er skráð í þjóðsögum Jóns Árnasonar sem þú getur lesið hér.

Saga þessi hefur einnig mörgum af svæðinu verið hugleikin, en hér má sjá kvikmyndaverkefni sem unnið var af nemendum Menntaskólans á Egilsstöðum (ME):

Lagarfljótsormurinn

Í Lagarfjótinu býr frægasta skrímsli Fljótsdalshéraðs, Lagarfljótsormurinn. Fyrstu sagnir af honum eru frá 1345. Sagan segir að í byrjun hafi þetta verið lítill lyngormur, sem settur var á gullhring í litlum kistli, því alkunna var að með þeim hætti yxi gullið. Þegar stúlkan sem átti hringinn lauk svo kistilinum upp nokkru síðar, sá hún sér til hrellingar að ormurinn hafði stækkað gríðarlega en hringurinn ekki. Kastaði hún þá kistlinum með ormi og hring í Lagarfljótið. Þar hélt ormurinn hinsvegar áfram að stækka þar til hann varð að fulltíða skrýmsli sem spúði eitri og vann fólki sem og öðru sem voguðu sér nærri honum mein.