Eyjólfsstaðir

Eyjólfsstaðir er starfsmiðstöð Íslensku Kristskirkjunnar, lúthersk fríkirkja sem einnig er með starfsemi í Reykjavík.

Á Eyjólfsstöðum er kristilegt starf allt árið um kring með samkomuhaldi, Biblíukennslu og ýmsum viðburðum eins og mótum og ráðstefnum. Hugsjón staðarins er að standa vörð um og efla kristna kirkju í landinu. Hér hefur kristið fólk starfað og beðið fyrir landi og þjóð í yfir30 ár, fyrst undir merkjum Ungs fólks með hlutverk og í seinni tíð á vegum Íslensku Kristskirkjunnar.

Samkomur eru kl. 11:00 alla sunnudaga í kirkjusal skólahússins

Smellið hér til að sjá aðra viðburði sem eru á dagskrá Eyjólfsstaða

Íslenska Kristskirkjan er löggiltur og viðurkenndur lútherskur fríkirkjusöfnuður og annast alla venjulega kirkjulega þjónustu. Prestur safnaðarins er Friðrik Schram. Kirkja safnaðarins er í Fossaleyni 14, Grafarvogi í Reykjavík.

Á vegum Ungs fólks með hlutverk voru haldin hér fimm mánaða löng, alþjóðleg Biblíu- og boðunarnámskeið, unnin í tengslum og samvinnu við kristniboðshreyfinguna Youth With A Mission. Frá 1997 hefur staðurinn verið í eigu Íslensku Kristskirkjunnar en UFMH var forveri kirkjunnar og Friðrik Schram upphafsmaður og einn stofnenda bæði kirkjunnar og hreyfingarinnar sem í tvo áratugi starfaði með kirkjum víðsvegar um landið.

Kynntu þér starfsemi Íslensku Kristskirkjunnar betur á vef hennar www.kristskirkjan.is