Eyjólfsstaðir

Á Eyjólfsstöðum er rekin gistiþjónusta allt árið í skólahúsi staðarins, samtals 21 herbergi.
Í boði eru uppábúin rúm eða svefnpokagisting með morgunverði í fallegu timburhúsi með notalegum matsal og rúmgóðum setustofum.
Herbergin eru tveggja til fjögurra manna fjölskylduherbergi án baðs, en sturtur og salerni eru sameiginleg.
Á staðnum er þráðlaus nettenging.
Fyrir hópa bjóðum upp á tveggja eða þriggja rétta máltíð sem þarf að panta fyrir fram.
Hægt er að komast í veiði í Grímsá og stutt er í báta- og hestaleigu á Hallormsstað.
Skógrækt er hluti af starfsemi Eyjólfsstaða síðan 1991, en miklar breytingar eru á landi staðarins í kjölfar hennar og hundruð hektara lands í ræktun.
Eyjólfsstaðir er starfsmiðstöð Íslensku Kristskirkjunnar á austurlandi og er þar kirkjustarf allt árið um kring með samkomum, námskeiðum og ýmsum viðburðum.
Staðurinn er stutt frá Egilsstöðum þar sem hægt er að fá fjölbreytta þjónustu, veitingastaðir, sundlaug og margt fleira.
Eyjólfsstaðir eru 9 km sunnan við Egilsstaði við þjóðveg 1.
Í nágrenninu eru margar náttúruperlur landsins og fallegir staðir, svo sem Hallormsstaðaskógur, Atlavík, Hengifoss og Skriðuklaustur. Stutt er einnig á austfirðina, s.s. Seyðisfjörð og Reyðarfjörð og á veturna er ekki svo langt í skíðaparadís í Stafdal og Austfirsku alpana í Oddskarði.